සාමාන්‍ය බුද්ධිය ගැන ‘ලු‘ කතන්දර දහයක් සහ තවත් කතාවක්..

පළවැනි කතන්දරය
මේ  දිනවල සිංහල බ්ලොග් අවකාශයේ වැඩි පුර කතාවෙන්නේ බිග් මෑඩ් පිල් ගැජට් එක ගැනය. ඒ ගැන කිව්වාට යුරෝ දෙකේ වීරයාට බොහෝ පින්ය. ඒ ගැජමැටික් එකෙන් අපි කියන දේවල් ටයිප් කරලා දෙනවාය. ඊට එහාට ගොස් අපි කියන ඒවා කරලා දෙන ගැජමැටික් වලට අපි කියන්නේ රොබෝ බබලා කියාය. ඒත් අපිට කරන්න දේවල් කියලා දෙන ගැජමැටික්ද දැන් දැන් ජනප්‍රිය වී ඇත. පාර හොයාගන්න සොෆ්ට්වෙයා හාඩ්වෙයා වැඩකෑලි දැන් මේ පුංචි මුතු ඇටයේද ප්‍රසිද්ධය. මේ ළඟදී රූගේ යාළුවෙකු අවුරුදු විසිගාණක්ම තිස්සේම විඩින් විඩේ ගිය තම මහගෙදරට යන පාර සුවර් කර ගත්තේ ගූග්ල් මැප් වලට පින්සිදු වන්නටය. මීට අමතරව අතේ ගෙනයා හැකි හෝ වාහනේට සවිකරගත හැකි සැටලයිට් නැවිගේශන් සිස්ටම් හා එකී මෙකී නොකී ගැජමැටික් අටෝ රාසියක් ඇත. ඒ අපේ ජීවතේ පහසු කරදෙන්නටය. මේ වගේ ගැජමැටික් නිසා මිනිස්සු මොළයෙන් කියන දේට වඩා ගැජමැටික් කියන දේ ගැන විශ්වාස කරන්නට ගොස් අමාරුවේ වැටෙති. පහළ තියන කතන්දර ඒ අමාරුවේ වැටීම් ගැන මට ආපු මේල් එකකින් කොපි කර පරිවර්තනය කරපු ඒවාය. මේවා කතන්දර පමණක් බැව් කරුණාවෙන් සලකන්න.
දෙවනි කතන්දරය

ජපානයේ ඉඳන් රටතොට බලන්නට ඕස්ට්‍රේලියාවට ආපු මිනිස්සු තුන්දෙනෙක් වාහනේ ජීපිස් සිස්ටම් එකට අනුව “ඉදිරියටම ධාවනය කරන්න“ කියලා කියපු නිසා මහ මුහුදේ වෙරළ පහු කරගෙන තවත් ටිකක් දුර ගිහිල්ලාලු. ටිකක් වෙලා ගියාට පස්සෙ තමයි තේරිලා තියෙන්නෙ මේ ඉන්නෙ මුහුද මැද කියලාලු. වාහනේ මුහුදෙ දාලා ආපහු එන්න එද්දි වටේ පිටේ මිනිස්සු හූ තිය තිය හිනාවෙලාලු. පින්තූරෙ බලන්නකෝ.


තුන්වෙනි කතන්දරය
ඇමරිකවේ ඉන්නා ගෑල්ලමයෙකුට ලැබුණු ජෝක් ඊ මේලයකින් කියැවුනේ මෙවැන්නකි.
"When I’m bored, I send a text to a random number saying ‘I hid the body, now what?’
ගෑණු ළමයා ඒ වෙලාවේ වැඩක් නැතුව සිටි නිසා මේ විදිහට අහඹු නොම්මරේකට මේ එස් එම් එස් පණිවිඩය යැව්වාම ඒක ලැබී තිබුනේ පොලිසියක මහත්තයෙකුටලු.

පස්වැනි කතන්දරේ පින්තූරේ

හතරවැනි කතන්දරය
සංචාරක පිරිසක් එංගලන්තයේ සිට ප්‍රංශය දක්වා චාරිකාවක රැගෙන යෑමට සිටි බස්රථයේ රියදුරු මහතා වැරදියට සැට් නැව් ප්‍රෝග්‍රෑම් කර තිබූ නිසා එම චාරිකාව අවසාන වූයේ බෙල්ජියමේදිලු.

පස්වැනි කතන්දරය
තුර්කියේ ලොරි රියදුරු මහත්තයෙකුට යන්න ඕනෑ වී තිබුනේ ජිබ්‍රෝල්ටා (ස්පාඤ්ඤයේ) වෙතටය. තමන්ගේ ලොරියේ සැට් නැව් ඒ සඳහා ප්‍රෝග්‍රෑම් කල පසු ඔහු ඒ ගොස් තිබුනේ කිලෝමීටර් දෙදාහක් එහායින් ඒ නමින්ම තිබූ එංගලන්තයේ පුංචි ගමකටලු.

හයවැනි කතන්දරය
හොංකොං දේශයේ පලතුරු වෙළඳ සැලකින් ඩොලර් දෙකක් වටිනා පලතුරු දහයක් මිලට ගත් අයෙකු ඩොලර් විස්සක් දිගු කලද ඒ ගැන විශ්වාස නොකල කඩේ ඇන්ටී තමන්ගේ කැල්කියුලේටරයෙන් දෙක දහවතාවක් එකතු කරීමට පටන් ගත්තාය. මගදී එකතු කිරීම වැරදී දෙතුන් වතාවක්ම මේ විදිහට එකතු කරන්න වුනාලු.

හත්වැනි කතන්දරය

හත්වැනි කතන්දරේ පින්තූරේ

හත්වැනි කතන්දරය කියනවාට වඩා මේ පින්තූරය බලලා තේරුම් ගන්න එක ලේසියිලු.

අටවෙනි කතන්දරය

ඉන්දියාවේ මෑතකදී සිදුකල සමීකෂණයකින් කියැවුනේ වැසිකිළියක් ඇති නිවෙස් ගණනට වඩා ජංගම දුරකථනයක් ඇති නිවෙස් ගණන බොහෝ වැඩි බවය. මේ සමීක්ෂනයට අනුව තාමත් බොහෝ දෙනා මළපහ කරන්නේ එළිමහනේලු. තමන් දුකසේ හරි හම්බ කරගත් සල්ලි වැසිකිළියක් හදා ගන්නට නොව ජංගම දුරකථනයක් හෝ ඊටත් එහා ගිය ගැජමැටික් සඳහා වියදම් කිරීම විලාසිතාවක්ලු. හස්බන්ඩ්ගේ ගෙදරට පැමිණි අළුත් මනාලියක් තමන්ගේ ස්වාමියාගෙන් මෙසේ ඇසුවාලු.
“අනේ රවි මම මෙහෙට බොහොම කැමතියි. වයි ෆයි, ෆ්ලැට් ස්ක්‍රීන් ටීවී, ස්ටීරියෝ සවුන්ඩ් සිස්ටම් ගොඩක් ජාති තියනවා. ඒත් කෝ ටොයිලට් එක?!!“
“ඇයි ඔයා හිතුවද මම කෝටියක් හම්බ කරනවා කියලා. අපි වගේ එළියට යන්න අනේ...!!“

ඇබකස් එක

නමවෙනි කතන්දරය
හොංකොං බිස්නස් කාරයෙකු චීන බිස්නස්කාරයෙකු හමුවෙන්නට ගියේ ගනුදෙනුවක් කතා කරගන්නටය. හොංකොං කාරයා ගනුදෙනුවේ ගණං මිනුම් කැල්කියුලේටරයෙන් හදා පෙන්වූ විට චීනා තමන්ගේ ඇබකස් එක ගෙන ගාණ ආයෙත් හැදුවාලු. පුදුමයකට මෙන් උත්තරේ වෙනස්වූ විට සොයා ගත්තේ කැල්කියුලේටරයේ මයික්‍රෝචිප් එකේ වරදක් තියන බවලු.

දහවෙනි කතන්දරය

දහවෙනි කතන්දරේ පින්තූරේ

සමහර වෙලාවට අපි මොලේ පාවිච්චි නොකරන එක යහපතටද හේතු වේලු. මේ පින්තූරයේ තරුණයා ජාතිවාදී ප්‍රකාශන කලා යැයි අත්අඩංගුවට ගැනීමට බැහැනොවැ.






තවත් කතාව
රූ  හට ජීවිතේ මුණ ගැහුනු  ලස්සන අපූරු දේවල් ගැන ලියන්නට පටන් ගත් ලියවිල්ලට දැන් පෝස්ටු පනහක්ය. මේ දක්වා රූ එක්ක එකට හිටිය යාළුවො හැම දෙනාටම ගොඩක් ස්තුතියි කියලා කියමි. පනස් එක් වැනි පොස්ටුවේ ඉඳන් තවත් පොස්ටු කීපයක් වෙනස් විදිහට හිතපු ඉන්දියානු මනුස්සයෙක් ගැන ඔයාලට කියවන්න ලැබේවි. අළුත් අවුරුද්දට මගෙන් ලැබෙන තෑග්ග ඒකයි ඔන්න.