වින්ඩ් ස්ක්‍රීන්..සුළඟින් ඔබ සුරකියි..

අපි ගමන් කරන වාහන වල වින්ඩ්ස්ක්‍රීන් එක කොච්චර වැදගත්ද?
වින්ඩ්ස්ක්‍රීන් එක නැතුව වාහනේක යන්න වුනොත් මොකක් වෙයිද?

              මේ වගේ අමුතු ප්‍රශ්න ගොඩක් හිතට ආවෙ ගිය සතියෙ නිවාඩු දාලා ගැරේජ් එකේ රස්තියාදු වුනු වෙලාවෙ. වින්ඩ්ස්ක්‍රීන් නැත්නම් වින්ඩ්ශීල්ඩ් කියන්නෙ වාහනේක ඉස්සරහ තියන වීදුරු කවුළුවට. වාතයේ පාවි පාවි තියන අපද්‍රව්‍ය, ගල්, දූවිලි වලින්  ඇතුලෙ ඉන්න අයව ආරක්ෂා කරන්න හා අනතුරකදී මගීන්ගේ ආරක්ෂාව සලසන්නත් වින්ස්ක්‍රීන් එක කටයුතු කරනවා.

                අතීතයේ ඉදන් විකාශනය වෙමින් ආව වින්ඩ් ස්ක්‍රීන් තාක්ෂනය අද වෙනකොට වාහනයේ අත්‍යවශ්‍ය ආරක්ෂක උපාංගයක් තරමට දියුණු වෙලයි තියෙන්නෙ. අද කාලෙ කොහොමද වින්ඩ් ස්ක්‍රීන් හදන්නෙ කියලා මේ වීඩියෝවන් බලන්න.

  http://www.youtube.com/watch?v=fg3moEI9V5g

               මට නම් හිතට අල්ලම ගියේ ටෙස්ට් කරන විදිහ. වාහන තියන ගොඩක් අයට වින්ඩ් ස්ක්‍රීන් එක තියනවා කියලා මතක් වෙන්නෙ කපුටෙක් ජරා කරාම හරි ගල් කැටයක් වැදිලා හීරුනොත් හරි තමා.

             ඒත් මෙහෙම හීරුනාට වින්ඩ්ස්ක්‍රීන් එක හදන්න බැරි නෑ. වින්ඩ්ස්ක්‍රීන් එක හැදිලා තියෙන්නෙ වීදුරු තල දෙකක් මැද්දට ප්ලාස්ටික් තලයක් එකතු කරලා කියලා උඩ වීඩියෝ එකේ දැක්කනෙ.  ගලක් වගේ දෙයක් වැදුනාම වෙන්නෙ පහල තියන පින්තූරෙ වගේ උඩ වීදුරු තලයත් පහල ප්ල්ස්ටික් තලයත් අතර වායු ස්ථරයක් නිර්මාණය වීම. 

http://americanglassrepair.wordpress.com/2010/07/12/windshield-cross-section/

             වාහනයේ ඉදිරි පස තහඩුවට ගම් ගා අලවා තිබෙන වින්ඩ් ස්ක්‍රීන් එක නිතර නිතර මාරුකරන එක ආරක්ෂාවට බලපා නිසා පොඩි හීරීම් වින්ඩ් ස්ක්‍රීන් එක නොගලවාම හදන්න පුළුවන්. බහුයවීක රෙසිනයක් මේ ස්ථරයට ඇතුල් කලාම හීරීම අතුරුදහන් කරන්න පුළුවන්. මේ වීඩියෝ එක බලන්නකො.

        ඒත් සමහර වෙලාවට පොල් ගස් යට වාහනේ නතර කරපුවාම පහලා පෙන්නන මේ වගේ කෙනෙක්ගේ සහය නම් නැතුවම බෑ.මෙයා නම් මේ වැඩේ කරන්නෙ පැය බාගෙටත් අඩු කාලෙකදි.  සැන් දියාගෝවල මෙහෙම අය හිටියට ලංකාවෙ නම් ඉන්නවද කියලා නම් සුවර් නෑ.