සිනෙ රූ: ලූනු කපද්දි කඳුළු එන්නෙ ඇයි?

ටීටා හා පේඩ්රෝ

මෙක්සිකෝවෙ ඈත ගමක ජීවත් වුනු ටීටා ළූණු කපද්දි ඇස්වලින් කඳුළු කැට කඩා වැටුනේ....

• දුටුව ගමන් ආදරයෙන් බැඳුනු (love at first sight) පේඩ්රෝ තමන්ගේ එකම සොයුරිය හා විවාහ වුනු නිසාද?
• පවුලේ බාල දරුවා විවාහ නොවී අම්මාව බලාගෙන සිටිය යුතු යැයි කියන අසාධාරණ පවුල් සම්ප්‍රදාය නිසාද?
• තමන් හදන කෑම වලට තමන්ගේ සිතුවිලි මුසු කොට රස වෙනස් කල හැකි බව ටීටාට මතක් වූ නිසාද?
• තම සොයුරිය රොසලීන්  තම ආදරවන්තයා සමඟ විවාහ වූ දවසේ ඇගේ කඳුළින්  පිළියෙල වූ කෑම වේල නිසා එයා අනුභව කල හැමෝටම වමනය ගිය නිසාද?
• රොසලීන් හා පේඩ්රෝ තමන්ගේ ඇඳ මත එක්වෙනු මනසින් දුටු නිසාද?
• ඉඳහිට නිවසේ තනිවනු මොහොතක පේඩ්රෝගේ උණුසුම් සුසුමන් යළි යළි සිහියට නැගුනු නිසාද?
• සෑම විටම තමා දෙස සැකයෙන් බලන මමා එලීනාගේ රකුසු දෑස් මතක් වූ නිසාද?
• කුස්සියේ ඉපදී කුස්සියටම සින්න වූ ජීවිතය එපා වූ නිසාද?
• කොමඩු ගෙඩිය හරි සමාන කෑලි වලට බිඳින්න වගේම ආදරය කරන තමන්ගෙ හදවත බිඳින්න පුළුවන් මමා එලිනාගේ නපුරු උකුසු ඇස් මතක් වූ නිසාද?
• රොසලීන්ට ලැබුනු දරුවාට ආදරයෙන් තමාගේ ලෙය කිරි වූ අයුරු සිහිවූ නිසාද?
• ආදරය බලාපොරොත්තු වූ දෑස් තමන් වෙත රඳවාගෙන තමන්ගේ සිත සුවපත් කරන්න පුළුවන් වූ දොස්තර ජොන්ට තමන්ගේ ආදරය දෙන්න නොහැකි වූ නිසාද?
• තමන් ගැන මේ තරම් අපූරුවට ලෝරා එස්කුවෙල් ලියපු පොත කියවන්න බැරිවෙන නිසාද?
• පේඩ්රෝ වෙනුවෙන් තමන්ගේ හිතේ කැකෑරෙන ආදරය ලෝරා චොකලට් බීමකට ගැලපෙන වතුරකට සමාන කරපු නිසාද?
• තමන් ජීවත් වුනු කාලයෙන් අවුරුදු සීයකට දෙසීයකට පස්සෙ තමන්ගෙ මුළු ජීවිත කතාවම ලෝකෙටම බලන්න පුළුවන් වෙයි කියලා හිතේ කොනක පුංචි බලාපොරොත්තුවක් තිවුන නිසාද?

චිත්‍රපටියෙ පින්තූරු

උඩ කියපු හරුපෙ පොඩියක්වත් තේරුන්නැත්තං කියන්න තියෙන්නෙ මේ ලින්කුවෙන් ටොරන්ට් එක බාගෙන චිත්තර පටිය බලන්න කියලා තමයි. ඒකත් බැයි නං ගංගා නිරෝෂනී සුදුවැලිකන්ද පරිවර්තනය කරපු ලූනු සහ කඳුළු පොත කියෝලා බලන්නෝ.
ඒක බලන්න කලින් මේ බූන්දියෙ තිවුන මේ පොස්ටුවත් ටිකකට කියවලා ඉන්නෝ..
 
පින්තූරු අනුග්‍රහය:
http://www.motionpictureart.com/Como-Agua-para-Chocolate-Like-Water-for-Chocolate-Lobby-Card-Se-p-10174.html
http://odessa.ie/event/movie-club-like-water-for-chocolate/