Minus One...එකක් අඩුවෙන්..

ලෝකයේ අනාගතය ලොකුම මොළකාරයා වෙන මිනිසාට තීරණය කරන්න වෙලා තියන කාලයක අළුත් අවුරුද්ද ලබන්න පැය කිහිපයක් තියෙද්දි පොඩි සිතුවිල්ලක් බෙදා ගන්න හිතුවා.

තාක්ෂණයේ දියුණුවත් එක්ක අපි කොම්පියුටරේට ගොඩක් වැඩ බාරදීලා තියනවා. ඊටත් වඩා එයා හරියට වැඩේ කරයිද කියලා සුවර් නැති නිසා සමහර වෙලාවට වැඩි හොඳට මුද්‍රිත පිටපත්( print out) ගොඩකුත් ගන්නවා. ලොකු ඔපීසිවල මේවට චක්‍රලේඛන පවා තියන නිසා පිටපත් නොගෙනත් බෑ.

ඉන්දියාවෙ හරියානා ප්‍රාන්තයේ පොඩි මොළ ටිකක් මෙහෙම වැයවෙන කඩදාසි ප්‍රමාණය අඩු කරන්න විදිහක් හිතුවා..මුද්‍රණ පිටපත් ගනිද්දි අකුරු වල ප්‍රමාණය එකක් අඩු කරලා ගත්තම පාවිච්චි කරන කඩදාසි ප්‍රමාණය අඩු කරගන්න පුළුවන්. ඒ එක්කම අඩු කරපු එක ඇහැට දැනෙන එකක් වත් නැතිවේවි.
ඉතින් අළුත් අවුරුද්දේ අපිත් එකතු වෙමු ඒ පුංචි උත්සාහයට....
සමහර විටමේ වගේ අපි කරන පොඩි දේකින් අපිටම පුළුවන් වේවි අපි ජීවත් වෙන මේ පුංචි මිහිතලය වඩා ලස්සන තැනක් කරගන්න..

සිත් තොසින් පිරෙන

දුක් තැවුල් සම සිතින් විඳින 

සුභම සුභ අළුත් අවුරුද්දක් වේවා..