Wednesday, February 8, 2012

මා වෙනුවෙන්....Please Wait For Me

ආදරණිය ජිමී,
අපි හැමදාම උදේ හවස දැක්කත් මේ කතාව කියන්න හදන හැම වෙලේම මම ඔයා ළඟ ගොළුවෙනවා. අද හෙටම ඔයා ගමෙන් යන බව ආරංචි වුනා. ඒක මට ඉවසුම් නැතිව ගිය නිසයි මේ ලිපිය ලියන්න හිතුවෙ. ඔයා මම වෙනුවෙන් බලාන් ඉන්නව නේද? අද ඔයා මට පුංචි එකෙකුට වගේ සැලකුවත් මමත් දවසක ලොකු වෙනවා. අනේ එතකම් මම වෙනුවෙන් බලන් ඉන්න. ඔයා ආපහු එන දවස වෙනකම් මගේ හදවතේ ආදරය ඔයා වෙනුවෙන්ම වෙන්කරගෙන මම බලන් ඉන්නවා.
මේ ඔයාගෙන ජොනී
Lovers Apart
ජිමී තමන්ගේ සුරතට මැදිවූ කොළය නැවත වරක් කියවූදේ දෑසම පිසදාගෙනය. ඒ ලිපියේ තිබූ දේ අදහාගන්නටවත් බැරිවූනිසාය. හැමදාම ගෙදර වැට අද්දරට ඇවිත් මල් කඩන නියායෙන් තමන්ගේ කාමරය දෙස හොරැහින් බලන දඟමල්ල මෙවන් සිතුවිල්ලක් හිතේ ඇති කරගත් බව ජීමීට හිතාගන්නවත් බැරිය.ජොනීගේ ලිපිය අතේ ගුලි කරගත් ජිමී සිතිවිල්ලේම පිය නැගුව් ඇයගේ ගෙදරටය. සුදු පැහැ තීන්ත ගා වැටෙන් මෙපිට දිලිසුනු ඩැෆඩිල් මල් සිනාසුනද ජිමීගේ සිත තිබුනේ සිතිවිල්ලේමය. ඩැෆඩිල් මල් අතර සිනාසුනු ජොනී ජිමී පිටුපසින් පැමිණ අසුරු සැනකින් ජිමීගේ සිතිවිලි ගඟ සසල කලාය.
“ආ..ජොනී..ඔයානෙ මම බයවුනා..“
“මොකටද බයවෙන්නෙ මම හොල්මනක්ද?“
“එකෙන් මේකෙන් මට කියන්න බැරිවුනා..මේ ලියුම ඔයානේද ලිව්වෙ“
“ම්..ඔව් ජිමී..ඔයා ඒ ගැන කතා කරන්ද ආවෙ? අපි යමු අර පැත්තට..“
“මේ බලන්න ජොනී..ඔයා තාම පොඩියි මේ වගේ දෙයක් ගැන අපිට හිතන්න බෑ“
“ඒත් ජිමී මම කවදාහරි ලොකුවෙනවනෙ...“
“බලන්න කෙල්ලෙ, ඔයාට තාම අවුරුදු පහළොවයි. මේ වගේ දේවල් ගැන නොහිතා ඉගෙන ගන්න. අනික මට දැන් විසිදෙකයි. රස්සාවක් හොයාගෙන පිළිවෙලක් වුන ගමන් මම ජීවිතේ ගැන හිතන්න වෙනවා..ඉතින් මට ඔයා ගැන බලන් ඉන්න බෑ ජොනී. ඔයා මං ගැන බලාපොරොත්තු තියා ගන්න එපා. ටික කාලයක් යනකොට ඔයාට මාව අමතක වෙලා යයි.“
       එක හුස්මට කියාගෙන ගිය ජිමී ආපසු නොබලා තම නිවසට පිය නැගුවේය. එනිසාවෙන්ම ජොනීගේ නෙතග රැදුනු කඳුළක සේයාව ජීමීට මග හැරුනි.  දින කිහිපයකට පසු ජිමී තම ඇඳුම් බෑගයද රැගෙන රැකියාවක් සොයා නගරයට පිය මැන්නේ දහසකුත් බලාපොරොත්තු පොදි බැඳගෙනය. ඒ බලාපොරොත්තු පොදියට යටවී හුන් ඔහුට ආදරය රැදි දෑසින් අත වනන ජොනී නොපෙනීම පුදුමයක් නොවේ.
       කාලය ගෙවී ගියේ ජිමීගේත් ජොනීගේත් ජීවිත වෙනස් කරමිනි. වසර ගණනාවක් කොන්ක්‍රීට් වනාන්තරයේ ජීවන සටනක යෙදුනු ජිමීගේ සිත තුල ජොනීගේ මතකය රැව් දුන්නේ වරක් දෙවරක් නොවේ. අමතක කරලනු බැරි මතක හා සටන් වැද හෙම්බත් වූ ජිමී අවසන එවිටද කල් පසුවී තිබූ තීරණය ගත්තේය.
       අතට  අසුවුනු ඇඳුම් කැඩුම් කිහිපය බෑග් මල්ලක ඔබා ගත් ජිමී ඉඩ තිබූ පළමු ගුවන් යානයේ අසුන් ගත්තේ හුරු පුරුදු සුවඳ සොයා යෑමටය. ගමනාන්තය තෙක් ළඟාවුනු ගුවන් යානයෙන් බැසගත් ඔහු පිම්මේ දිව ගියේ ඒ සුවඳ තමන් සතු කරගැනීමටය. වසර පහකට පෙර ජොනීගේ වතෙහි රැදී තිබු බලාපොරාත්තු දෑස එලෙසින්ම තම දෑසේ රදවාගත් ජිමී ජොනීගේ ගෙදර දොරකඩ සිට සීනුව නාද කලේය.
       එදා දුටු දඟකාර දෑස වෙනුවට සුරතේ මුදුව රැදි නිවුනු දෑසක් දොර එළිපත්තේදී මුණ ගැසුනි
‍්“ඔය ගිහින් ගොඩ කාලයක් ජිමී, බලන් ඉදලා බැරි වුනු තැන මම ඔයාගෙ හොඳම යාළුවා ජොන්ව බැන්දා. ඔයා මං ගැන බලාපොරොත්තු තියා ගන්න එපා. ටික කාලයක් යනකොට ඔයාට මාව අමතක වෙලා යයි.

----------------------------------------------------------------------------------------------------------------------------------
දැන් මේ කතාව කියවපු යාළුවො මේ පහල තියන සින්දුවත් අහනවද?
ඊට පස්සෙ බලන්නකො මම ද නැත්නම් කොන්වේ ට්විටිද කතාව ලස්සනට කියලා තියෙන්නෙ කියලා.
ආ කියන්න බැරිවුනා මේ ප්‍රේම ගීය ගායනා කරන්නෙ තාත්තයි දුවයි. වැඩි විස්තර මෙතැනින්.


වීඩි‍යෝ එක මෙතැනින්: http://www.youtube.com/watch?v=_o49YYegscE&feature=related

Jimmy please say you'll wait for me
I'll grow up someday you'll see
Saving all my kisses just for you
Signed with love forever true.


Joni was the girl who lived next door

I've known her I guess ten years or more.
Joni wrote me a note one day.
And this is what she had to say.

Jimmy please say you'll wait for me
I'll grow up someday you'll see
Saving all my kisses just for you
Signed with love forever true.

Slowly I read her note once more
Then I went over to the house next door
Her tear-drops fell like rain that day
When I told Joni what I had to say.

Joni, Joni please don't cry
You'll forget me by and by
You're just fifteen and I'm twenty two,
and Joni I just can’t wait for you.

Soon I left our little home town,
Got me a job and tried to settle down
But these words kept haunting my memory,
the words that Joni said to me.

Jimmy please say you'll wait for me
I'll grow up some day you'll see
Saving all my kisses just for you
Signed with love forever true.


I packed my clothes and I caught a plane

and I had to see Joni. I had to explain,

how my heart was filled with her memory

and ask my Joni if she'd marry me
I ran all the way to the house next door

but things weren't like they were before
My tear-drops fell like rain that day
When I heard what Joni had to say.
Jimmy, Jimmy please don't cry

You'll forget me by and by.
It's been five years since you've been gone
Jimmy, I - (married) - your best friend John.

33 comments:

  1. අපොයි දෙය්යනේ!!!!!!:D:D:D

    ReplyDelete
    Replies
    1. අයියෝ..ගෑනු ළමයා වෙන කෙනෙක් බැන්දාම හිනාවෙන්න හොඳ නෑ..!! :)

      Delete
  2. මේක අපූරු සින්දුව ගොඩා..ක් පරණ වුණත් තවමත් ලස්සනයි

    තමන්ගෙම හොඳ හිතවතෙක් නෙව - හිතහදාගන්න එක හොඳයි

    ReplyDelete
    Replies
    1. ඒක ඇත්ත...සින්දුවෙ නම් අමුතු ගතියක් තියනවා..

      Delete
  3. මේ සින්දුව තිබුනා අපේ 12 වසරෙ ඉන්ග්‍රීසි පොතේ.ඉතිං ටක් ගාලා හිතුනා මේක තමා සින්දුව කියලා. :D

    ReplyDelete
    Replies
    1. අයියෝ මම දැනං හිටියෙ නෑනෙ.සෑහෙන්න ට්‍රයි කලා ඔරිජිනල් එක හොයාගන්න.කොහොම වුනත් අපූරු සින්දුව..

      Delete
  4. මමනම් මුලින්මයි මේ සිංදුව අහුවේ.. අක්කා ලියපු කතාව වගේම සිංදුවත් ලස්සනයි..

    ReplyDelete
    Replies
    1. තැන්කූ දිනේශ්..සින්දුව නම් ලස්සනයි තමා..

      Delete
  5. මට මේක කියවද්දිම මතක් වුනේ අපේ ඉංග්‍රිසි පොතේ මේක තිබ්බා නේද කියලා හැබැයි සිංදුව ඇහුවෙ නම් මුල්ම වතාවට.....ඒක නෙමෙයි මම මේ කල්පනා කලේ ඔහෝම ඉවසන්න බැරි කෙල්ලෙක්ව නොබැන්ඳ එකමයි හොඳ...පුංචි සිදුවීමක් උනත් මේක කියවද්දි මට ගොඩක් දුක හිතුනා ඉස්කෝලෙදිත් එහෙමයි

    ReplyDelete
    Replies
    1. අනේ මන්දා..මාව අමතක කරන්න කියලා ගිහිල්ලා කාලයක් ගියාට පස්සෙ ආපහු ඇවිල්ලා ආදරේ ඉල්ලන එක නම් ටිකක් විතර අසාධාරණයි නේද?

      Delete
    2. සහතික ඇත්ත අනිවාර්යෙන් අසාධාරණයි

      Delete
  6. සිංදුවයි කතාවයි දෙකම ලස්සනම ලස්සනයි අක්කේ!!!

    ReplyDelete
    Replies
    1. ඔන්න ඔන්න ඔයා මාව මුරුංගා අත්තේ තියන්න හදනවා..තැන්කූ මේ පැත්තේ ආවාට..

      Delete
  7. මට ඒලෙවල් ඉංගිරිසි වලට 'බී' තිබ්බට මේක මම පොතේ දැකල නැහැ නොවැ.. පුදුමයි..
    ටීචර් කලාද දන්නෙ නැහැ...

    ReplyDelete
    Replies
    1. අනේ අපි නම් දන්නෑ ඔන්න ඕවා....මේ පොස්ටුව කියෙව්වාම මට නම් මේ කතාව පුදුමයක් නෙවී ඔයත් කියවලා බලන්නකෝ..හික්ස්
      http://samindikasrimantha.blogspot.com/2012/01/blog-post_30.html

      Delete
  8. සිංදුව අපූරුයි !
    මම් කලින් අහලා නෑ. අදමයි අහන්නේ. :)
    ඒත් දැන්ම අහන්න වෙන්නේ නෑ. මගේ කනෙක්ශන් එක ස්පීඩ් නෑනේ. ඒ නිසා වැඩට ගියහම තමා අහන්න වෙන්නේ.

    ReplyDelete
    Replies
    1. වැඩ කරදද්දි සින්දු අහලා බොස්ගෙන් බැනුම් ඇහුවොත් අපි නම් නෑ මලේ..
      ඇයි ඔයාලගෙ ඉංග්‍රීසි පොතේ මේක තිබුනෙ නැද්ද?

      Delete
    2. මොන ඉංග්‍රිසි පොතේ ද ? උසස් පෙළ ?
      මම් ඉංග්‍රිසි පොතක් දැකලා නෑ ඒ දවස්වල !!!

      Delete
    3. අනේ මන්දා මලේ මේවට මොකුත් කියලත් බෑ නොකියත් බෑ..:D

      Delete
  9. කොන්වේ ට්වීටි එයාගෙ දුවට (ජොනී ලී) ගායිකාවක් වෙන්න පාර හදල දෙන්න තමයි මේ ගීතය ගායනා කලේ. මේ ගීතය ගැන මාතලං එයාගෙ සංගීතා බ්ලොග් එකේ දාපු සටහනට මෙතනින් යන්න

    ReplyDelete
    Replies
    1. ස්තුතියි ඕනයා..ඒත් ජොනි ලීට හොඳ ගායිකාවක් වෙන්න නම් බැරිවුනා මම හිතන්නෙ..

      Delete
  10. වසිලිස්සාFebruary 10, 2012 at 3:30 PM

    මට මේ සින්දුව අමතක නොවෙන්නේ ,අපේ ලොකු නංගි උසස්පෙළ කරද්දී මේක නාට්ටියක් ලෙස රංග දැක්වුව.එකේ හිටපු ජිමිටම එයා පෙම් කරලා, පාසලෙන් සමු ගත්තට පස්සේ යම් යම් නොගැලපීම් නිසා ගිය අවුරුද්දේ එයාල වෙන් වුණා.

    ReplyDelete
    Replies
    1. සින්දුව වගේම දුක හිතෙනවනෙ අප්පා...
      කොහොම වුනත් දෙන්නම සතුටින් ඉන්නව නම් ඒ ඇති..

      Delete
  11. English අච්චු පොතේ තිබුණු මම ආසම සින්දුවක්.. අපි මේ සින්දුව වේදිකාවකදී රගපැවත් එක්ක :)))

    ReplyDelete
    Replies
    1. ම්..ඔයාටත් වසිලිස්සගෙ නංගිට වුනුදේ වුනේ නෑ නේද?
      මම මේ සින්දුව නිතරම අහගෙන යනවා කාර් එකේ යද්දි..

      Delete
  12. නොකිය විය යුතු කතාවක් මම කියෙව්වා....

    ReplyDelete
    Replies
    1. නොකියවිය යුතු කතාවක්?
      ඒ මොකද්ද?

      Delete
  13. මේ සිංදුව මාත් දන්නවෝ.... කතාව ලස්සනයි අක්කා...:)

    ReplyDelete
  14. හැමෝම කියනවනේ ඉංග්‍රීසි පොතේ තිබුණා කියලා, එක්කෝ මම ඉස්කෝලේ ගිහින් නෑ, එහෙම නැත්තම් අපිට ඉංග්‍රීසි උගන්නලා නෑ! අදම තමයි ඇහුවේ, ඒත් දුක හිතෙනා සිද්ධියක්....

    ReplyDelete
  15. හික්ස්..අපි මෙහෙම හිතමු ලහිරු..ඒ කාලෙ සිලබස් මේ අය ෆලෝ කරපු ඒවට වැඩිය වෙනස් කියලා..එතකොට හරි..ඇත්තම කියනවා නම් අපේ ඉංග්‍රීසි පොතෙත් මෙහෙම එකක් තිබුනෙ නෑ..හැබැයි අපි 12 වසරෙ ඉද්දි තමයි උසස් පෙළට ඉංග්‍රීස් අනිවාර්ය කරලා අච්චු පොතක් එව්වෙ..

    ReplyDelete
  16. නිවී සැනසිල්ලේ අහන්න පුළුවන් ලස්සන ගීයක්.ඒ නිසා ඔන්න පළමුවෙන්ම ඇවිත් පළමුවෙන්ම ගීය දාගත්තා.
    කතාව නම් අගෙය්. අවසානයේ දී කලක් අපේකෂා කළ බලාපොරොත්තුව බිඳවැටීම ටිකක් සංවේදී ආදරයක් සංකේතවත් කරනවා.

    ReplyDelete
    Replies
    1. ජීවිතේ අපි හිතන විදිහටම ගෙවෙන්නේ නෑනෙ..සමහර වෙලාවට ජීවිතේ එක්ක ෆයිට් නොකර ලැබුන දේ සතුටින් බාර ගන්න කොට අපේ සතුට මැකෙන්නේ නෑ..ස්තුතිව් කොමෙන්ටුවට..

      Delete