හිත ඇත්නම් පත කුඩාද?..Erin Brockovich

සිත සවි එරින්

                එරින් බොකොවිච් කියන්නෙ විධිමත් නීති අධ්‍යාපනයක් නොලැබුවත් තමන්ගෙ හිතේ ධෛර්යය නිසා පරිසරය විනාශ කරපු බහුජාතික යෝධයෙකුට අභියෝග කරපු නීති ලිපිකාරිනියක්. එරින්ව මට මුණ ගැහෙන්නෙ එයාගෙ කතාව අළලලා ස්ටීවක් සොර්බර්ග් හදපු ෆිල්ම් එකෙන්. 

           පැසිෆික් ගෑස් ඇන්ඩ් ඉලෙක්ට්‍රිකල් කොම්පැනිය තමන්ගෙ තාප විදුලි බලාගාරයේ සිසිලන පද්ධතිය සඳහා පාවිච්චි කරපු හෙක්සාවැලන්ට් ක්‍රෝමියම් නිසා අවට ජනතාව බීමට ගන්නා ජලය අපවිත්‍ර වීමට එරෙහිව ඇය හඬ නැගුවා. බහු ජාතික සමාගම් එක්ක හැප්පෙන්න බැහැයි කියලා හිතන් හිටපු ප්‍රසිද්ධ නීති‍ඥයෙක් වුනු එයාගෙම ලොක්කත් ධෛර්යයමත් කරලා අධෛර්යය වෙලා අසනීප වෙලා හිටිය මිනිස්සුන්වත් හරි මගට අරගෙන ඇය ගෙන ගිය අරගලය 1996 දි සාර්ථකව නිමවුනා. ඒ එච්චර කාලයකට ඇමරිකාවෙ කොම්පැනියකට ගෙවන්න සිද්ධ වුණුලොකුම වන්දි මුදලකුත් එක්ක. ඒ ඩොලර් මිලියන 333ක්!

             ඇයගේ කතාව ගොඩක් ජනප්‍රිය වුණේ 2000 අවුරුද්දෙ හදපු එරින් බොකොවිච් සිනෙ සිත්තමෙන්. ආදරය, නොපසු බස්නා ධෛර්යය,සමකාලීන ඇමරිකානු සංස්කෘතිය අපූරුවට සිත්තම් කරපු ඒ චිත්‍රපටියෙ ප්‍රධාන චරිතය පණ ගැන්වූයේ ජූලියා රොබට්ස්. ඒ අවුරුද්දෙහොඳම නිළිය සඳහා වන ඇකඩමි සම්මානය ඇය දිනාගත්තෙ මේ වීර චරිතයට පණ පෙවීම වෙනුවෙන්. 

            පටන් ගත්ත මිනිත්තුවේ ඉදන් ඉවර වෙනකන්ම මම ඒ සිත්තම දිහා බලන් හිටියෙ හරිම ආශාවෙන්. අපේ අවට සිදුවෙන වෙනස් කම් වලට අපිටත් සංවේදී වෙන්න කාලය ඇවිල්ලා කියලා මේ චිත්‍රපටිය බැලුවොත් ඔයාලටත් තේරේවි.

             මේ ෆිල්ම් එකේ ලස්සන කෑලි පරිවර්තනය කරන්න මගේ ඉංග්‍රීසි දැනුම මදි (සිංහල දැනුමද මන්දා..) නිසා ඔයාලා මෙතෙනට ගිහින් බලාගන්න. 

ටොරන්ට් ලින්කුව