Sunday, August 5, 2012

සිනෙ රූ: ගේෂාවක්ගේ මතක පොත..Memoirs of a Geisha


මගේ ලෝකය අසම්මතයි. දුර්වලයි. එහි පැවැත්ම රඳා පවතින්නේ එහි ඇති අභිරහස් බව නිසා. මගේ ඉපදුනේ ගේෂාවක වීමට නොවුන මුත් ජීවිතේ එක් තැනකදී  මගේ ඉරණම මාව ගේෂාවක බවට පත් කරනවා. 
මගේ ජීවිතේ අනිත් හැමදේම වගේ මෙයත් තීරණය වූයේ ගසා ගෙන යන රැල්ලෙන්. මගේ අක්කා අරටුවක්  වැනි යැයි මගේ අම්මා නිතරම කියනවා මට ඇසී තිබුනා. සකුරා ගසක් පොළවට සවි වී තියෙන්නාක් මෙන්න ඇය පොළවටම ආදරය කරාවි යැයි ඇය පැහැදිලි කලා මට මතකයි.

අම්මා මාව දුටුවේ දිය දහරක් ලෙස. ගල්පර බාධක හැල හැප්පිලි මැදින් තමන්ගේ පාර සොයාගෙන යන දිය පහරක් ලෙස. බාධයක සිරවූ විට දිය දහර වෙනස් මාවතක් හොයා ගන්නවා. මම ඒ වගේ. 

**********

       ලස්සනට ඉර පායා ඇති දවසක දුඹුරු පාට අවුරුදු නමයක් විතර තරමේ ගෑනු ළමයෙක් දිය පහරක් දිහා බලාන හිටියා. ඉර අව්ව වැටිලා දිලිසෙන දිය පාර දිගටම ගලාගෙන යනවා ඇය බලාන හිටියෙ දියපාර හරහා යන්න හදපු පොඩි ලී පාලම වාරු වෙලා. ගේෂාවකගේ දාසිය වෙලා ගත කරන දවසේ හදිසියේ හම්බවුනු ඉසඹුවක් ඈ, චියෝ චාන් මෙතනට ගෙනැවිත් තිබුනා. කාත් කවුරුත් නැති මේ ජීවිතේ අරුත මොකද්ද කියලා හිතමින් නොනැවතී ගලන දිය පාර දිහා බලන් උන්නු ඇයට නොදැනිම කඳුලක් ඇසින් ගලා හැලුනා.

      පොඩි පාලම උඩින් ඒ දිය පහර හරහා එහා මෙහා ගිය හැමෝම වගේ ඇගේ සිතුවිලි දකින්නට උන්නදු වුනේ නෑ. ඒත්

“දුකින් ඉන්න බැහැයි කියලා හිතෙන තරමටම අද ලස්සන දවසක් නේද?. ඇයි අඬන්නෙ? ඔයා වැටුනද?“ 
කරුණාවන්ත ඇස් දෙකක් එහෙම ඇහුවම චියෝ චාන් ගැස්සිලා බැලුවා. ඒත් ඒ එක්කම ඈ ආපහු බිම බලාගත්තෙ අකැප වස්තුවක් දිහා බැලුවා වගේ.
“ඇයි ඔච්චර ලැජ්ජාවෙන්නේ. බිම බලාගන්න දෙයක් නෑනේ.“ කරුණාවන්ත ඇස් දෙක ආයෙත් කිව්වා.
“අපි හැමෝටම අමාරු කාල තියනවා. අර බලන්න අර කොල පාටට දිලිසෙන කිමෝනාවක් ඇඳන් ඉන්න ලස්සන  නෝනව පේනවා නේද?“ කරුණාවන්ත ඇස් දෙක එයා එක්ක ආව ලස්සන කාන්තාවන් දෙදෙනාගෙන් එක්කෙනෙකුට අත දික්කරලා පෙන්නුවා.
“ඈ කාලයක්  ගේෂාවකගේ දාසියක් විදිහට වැඩ කලා. දවසක් ඈ ඇගේ ලී සපත්තු පෙරළිලා බිම වැටුනා“ කරුණාවන්ත ඇස් දෙක හිනාවෙමින් ආපහු කිව්වා.
“ඔව්. ඇත්ත. මම කාලයක් එහෙම හිටියා. “ කොළ පාට කිමෝනෝව ඇඳගත්ත ලස්සන කාන්තාව කිව්වා.
“බලන්නකෝ ඈ දිහා දැන්. කොච්චර කදිම කාන්තාවක්ද කියලා. ඈ දැන් ගේෂාවක්“ කරුණාවන්ත ඇස් දෙක චියෝ චාන්ගේ ඇස් දෙක බලාන කිව්වා.
“ඔයාගෙ නම මොකද්ද? ඔච්චර බයවෙන්න එපා මා දිහා බලන්න“ කරුණාවන්ත ඇස් දෙක ඇහුවා. අම්මගෙන් පස්සෙ ඇහුන කරුණාවන්තම වචන ඉස්සරහා චියෝ චාන් ගොළුවුනා.
“ඔයා කැමති මිදිරස අයිස්වලටද චෙරි රස අයිස් වලටද? “ කරුණාවන්ත ඇස් දෙක ඇහුවෙ ළඟ හිටිය අයිස් වෙළෙන්දා දිහා බලමින්.
“කන්නද?“ චියෝ ඇහුවෙ සැකයෙන්.
“ඔව් වෙන මොනවටද මම නම් කැමති  මිදි රස අයිස් වලට. එන්න යමු .“
“අපි බලාපොරාත්තුවෙන තරමේ කරුණාවක් අපි හැමෝටම ලැබෙන්නෑ දරුවෝ. මගේ ළමයි හැම ගිම්හාන නිවාඩුවේම මේ අයිස් කන්න බලාන ඉන්නෙ.“ කරුණාවන්ත ඇස්දෙක දිගටෝම කියාගෙන ගියා. ඊට පස්සෙ අයිස් වෙළෙන්දාගෙන් මිදි රස හා චෙරි රස අයිස් පලම් දෙකක් ඉල්ලුවා. රතු පාට චෙරි යුෂෙන් රස ගන්වපු එක අයිස් පලමක් චියෝ චාන්ට දුන් කරුණාවන්ත ඇස් දෙක අනිත් අයිස් පලම කන්න පටන් ගත්තා. 
කරුණාවන්ත ඇස් දෙක කලින් පෙන්නපු කාන්තාවන් දෙදෙනා  ඈත ඉඳන් හිනා වෙවී හිටියා. 
හදිසියේම යමක් මතක් වුනු චියෝ චාන් අයිස් පලමේ රතු පාට තමන්ගේ තොල් දෙකේ තවරගෙන පළමු වතාවට තමන්ගේ සුපුරුදු හඬ අවදි කලා. 
“ම්..දැන් මමත් ගේෂාවක්. බලන්න“
“ඕ...ඔව් ඇත්තටම“ කරුණාවන්ත ඇස්දෙක හයියෙන් හිනා වුනා. 
“ඔච්චර ලස්සන ඇස්දෙකක් ඔයාට කවුද දුන්නෙ“ කරුණාවන්ත ඇස්දෙක ඇහුවෙ චියෝ චාන්ගෙ   හිනාවෙන ඇස් දිහා බලලා.
“මගේ අම්මා තමයි මට ඒවා තෑගි දුන්නෙ.“ චියෝ චාන් කිව්වෙ ඒ වයසෙ ඉන්න හැම දරුවෙකුගෙම තියන දඟකාර හඬින්. චෙරි රස අයිස් පලම් ඇගේ දුක්බර සිතුවිලි ඈතට පා කරවමින් උන්නා.
“ඔයාගෙ අම්මා හරිම හොඳයි වගේ. එහෙම නේද? “
“හරියට ඔයා වගේ“ චියෝ චාන් කිව්වෙ ඒ කරුණාවන්ත ඇස් දෙක දිහා කෙලින් බලලා. 
“මං වෙනුවෙන්  එක සැරයක් හිනාවෙන්න පුළුවන්ද? “ කරුණාවන්ත ඇස් දෙක ඇහුවෙ චියෝ චාන්ගෙ තොල්දෙකින් ගිලිහුනු තිබුන රතුපාට අයිස් පලමේ යුෂ අයින් කරමින්.
චියෝ චාන් තමන්ට පුළුවන් හොඳම හිනා මූණ පැළඳගෙන හිනා වුනා.
“ආන්න මේ ලස්සන හිනාව තමා ඔයාගෙන් මට ලැබෙන තෑග්ග.“
වෙළෙන්දා දුන්න ඉතුරු සල්ලි ටික තමන්ගෙ ලේන්සුවෙන් ඔතලා චියෝ චාන්ගෙ අතට දුන්න කරුණාවන්ත ඇස්දෙක මෙහෙම කිව්වා.
“මීට පස්සෙ කරදර කොච්චර ආවත් ඔයා දුකින් ඉන්න එපා. මේ තෑග්ග හැමදාම මතක තියා ගන්න“

*******
Remember Chiyo, Geisha are not
courtesans, and we're not wives.
We sell our skills, not our bodies.
We create another secret
world, a place only of beauty.
The very word Geisha means
artist, and to be a Geisha …
… is to be judged as
a moving work of art.
Agony and beauty, for
us, live side by side.
Your feet will suffer,
your fingers will bleed.
Even sitting and
sleeping will be painful.
You cannot call yourself a true Geisha until you
can stop a man in his tracks with a single look.
-Mameha
********
කරුණාවන්ත එක වචනයකට කොච්චර දුර යන්න පුළුවන්ද? අවුරුද්දක් දෙකක්, දහයක් නැත්නම් මුළු ජීවිත කාලයම බලාපොරොත්තුවේ සිසිලසින් පුරවන දුරක්...චියෝ චාන් හා කරුණාවන්ත ඇස්දෙක දිහා රිදී තිරයෙන් බලන් සිටි මට සිතුනා.
********

රූගේ පසු සටහන:
ආතර් ගොල්ඩන්ගේ පොතක් ඇසුරින් රොබ් මාෂල් 2005 අධ්‍යක්ෂනය කල "Memoirs of a Geisha" චිත්‍රපටය ඇකඩමි සම්මාන හයකට නිර්දේශ වූ අතර තුනක් දිනාගනු ලැබුවා. ස්ටීවන් ස්පිල්බර්ග් ගේ Amblin Entertainment නිශ්පාදනය කල මෙම චිත්‍රපටිය ජපානයේ හා කැනඩාවේදී රූ ගත කරන ලද්දක්. 

68 comments:

  1. ඔෂින් එකෙත් අහලා අහලම මට ප්‍රශ්ණයක් වෙලා තිබ්බෙ.
    ඇත්තටම ගේෂාවක් කියන්නේ කාටද?????

    ReplyDelete
    Replies
    1. ජපන් කතා ගොඩක ගේෂාවන් ගැන තොරතුරු ලැබෙනවා තරියා..
      මලවුන්ගේ අවුරුදු දා කතාවෙත් ගේෂාවන් ගැන කියවෙනවා..
      August 6, 2012 1:49 PM ඇනෝගේ පිළිතුර බලන්නකෝ..එයා ගොඩක් හොඳට පැහැදිලි කරලා තියනවා..

      Delete
  2. ගණිකාවටම තමා.හැබැයි මුදලට ඇග විකුණනවා විතරක්ම නෙමේ සෙනෙහසත් ලබා දෙනවා.

    ReplyDelete
    Replies
    1. ස්තුතියි නලීන් මේ පැත්තෙ ආවාටත් කමෙන්ටුවටත්..
      ගේෂාවක් කියන්නෙ ගණිකාවක්ම නෙවෙයි මම හිතන්නෙ නම්..

      Delete
  3. මලේ මගේ බ්ලොගටත් ගහින් බලන්න http://samakayawate.blogspot.com/

    ReplyDelete
    Replies
    1. අපූරු සංචාරක සටහන් ටිකක් දැක්කා..
      දිගටම ලියන්න..

      Delete
  4. මාර සංකීලණයිනේ...
    අක්කට හිතුන අයිඩියා එකක්ද????

    ReplyDelete
    Replies
    1. ම්..ගොඩක් හිතුවොත් සංකීර්ණ ඒත් අවශ්‍ය නම් සරල විදිහට රස විඳින්න පුළුවන් චිත්‍රපටියක් මල්ලි...
      මේ ලියලා තියෙන්නෙ චිත්‍රපටියෙ මිනිත්තුවක විතර කතාව..බලලම තේරුම් ගන්නකෝ..

      Delete
  5. පොතක් නම් කියවලා බලන්න ඕනේ.. අගේ ඇති ලිපියක්..

    ReplyDelete
    Replies
    1. මමත් පොත කියවලා නෑ..
      චිත්‍රපටයට වඩා පොත ටිකක් විතර වෙනස් කියලා තමයි විකිපීඩියා එකේ නම් තියෙන්නෙ..
      මේ පොත ඇත්ත ගේෂාවක් එක්ක කරපු සම්මුඛ සාකච්ජාවකින් ලියලා තියෙන්නෙ කියලා ආතර් ගොල්ඩන් කියනවා..

      Delete
  6. මාත් ආසයි ගේෂාවක් බලන්ඩ... :)
    ඔය ගේෂාවෝ ගැන ලිපියක් එහෙම සයුරි අක්කත් ලියලා තිබ්බා.
    ඔන්න මේ පොත නම් මම් කියවලා නෑ.. කියවලා බලන්ඩ ඕනා. :)

    ReplyDelete
    Replies
    1. ම්..ගේෂාවක් බලන්න ප්‍රදර්ශනේ කරලා තියනවද කියලා මට සුවර් නෑ මලේ..:)) ඔහොම බලන්න ගිහිල්ලා ගුටි කන්න වුනොත් මම නෑ ඔන්න..

      පොත කියවන්න බැරි වුනත් චිත්‍රපටිය බලන්නකෝ..

      Delete
    2. මූ මොකාටද එන්න හදන්නෙ ඈ... පුදුම ආසාවල් නෙ තියෙන්නෙ මේ ළඟකදි ඉඳන්. විස්තරේ නම් මරු!

      Delete
  7. බාගන්න ඕනේ... තැන්ක්යු....

    ReplyDelete
    Replies
    1. වෙල්කම්..වෙල්කම්..

      Delete
  8. ලස්සන වුනත් දුක්බර කතාවක් වගේ..

    ReplyDelete
    Replies
    1. එක විදිහටක බැලුවාම නම් දුක්බරයි තමා හරී..ඒත් චිත්‍රපටිය නම් සුඛාන්තයක්..(සාපේක්ෂව බැලුවාම)

      Delete
  9. "Memoirs of Geisha" ෆල්ම් කීපවතාවක්ම ඇස ගැසුනත් බලන්න තරම් සිතකු ඉපදුනේ නෑ ඒ හැම අවස්ථාවකම. දැන් තමයි හොඳම වෙලාව චිත්‍රපටය බලන්න.
    රූ කතාව චිත්‍රපටය නරඹන තැනය කියවන්නා පත් කරන්න තරම් රසවත්ව ලස්සනට ලියල තියෙනවා

    ReplyDelete
    Replies
    1. ස්තුතියි දයානන්ද..
      හරිම සංවේදී සිනෙ සිත්තමක්..අධ්‍යක්ෂවරයාගේ දක්ෂතාව හොඳටම කැපිලා පේනවා..

      Delete
  10. aththatama lassanai kathawa... matath Film eka balanna asa hithuna...

    ReplyDelete
    Replies
    1. බලලම විස්තර කියන්නකෝ...

      Delete
  11. හරිම අපූරුවට ඔබ පෝස්ට් එක ලියල තියනවා යාලු.
    මගේ හිතේ රූප මවන්න තරම් එය ප්‍රබල උනා.
    ඔබට ජය! :)

    ReplyDelete
    Replies
    1. ස්තුතියි හිරූ...
      මේ සිනෙසිත්තම හරිම සංවේදියි..තහනම් මාතෘකාවක් වුනත් හරිම අපූරුවට සිත්තම් කර තිබුනා..

      Delete
  12. ඔය ‍ෆිල්ම් එක අපි බලලා තියෙනවා කේබල් චැනල් එකක. ඒක ‍ෆිල්ම් කලේ ජපානෙ නෙවෙයි කියලා නම් දැනගෙන හිටියෙ නෑ. අනික Memoirs කියන වචනේ Memories වගෙයි මම කාලයක්ම දැක්කෙ.
    henryblogwalker (මට හිතෙන හැටි) the Dude (HeyDude)

    ReplyDelete
    Replies
    1. චිත්‍රාගාරය ඇතුළේ දර්ශන කැනඩාවේ රූ ගත කෙරුනා කියලා තමයි විකිපීඩියා වල තියෙන්නෙ..
      Memoirs සහ Memories වචන දෙකේ ලොකු වෙනසක් තියනවා නේද?

      Delete
  13. :( අතටම හම්බවෙලත් බලන්න බැරිවුනානෙ. අපරාදෙ. දැන්නම් බාගෙන හරි බලන්න වෙනවා. ස්තූතියි විස්තරයට! ලස්සනට ලියල තියනවා!

    ReplyDelete
    Replies
    1. ගොඩක් ස්තුතියි ගිම්..

      Delete
  14. ෆිල්ම් එක බලන්නම වෙනවා...

    ReplyDelete
    Replies
    1. අපූරු කතාවක් තියන චිත්‍රපටියක් දිනේශ්...බලලම විස්තර කියන්නකෝ..

      Delete
  15. බලපු නැති ලක්ෂයක් තරම් ෆිල්ම් අතරේ තවත් එකක්..

    ReplyDelete
    Replies
    1. ම්..මේ ෆිල්ම් එක නම් ඔයාගේ ටු වොච් ලිස්ට් එකේ උඩට ඒවි දැන්..

      Delete
  16. කාටද ගේශාවක් කියන්නෙ.. ? ඇයි ඒ ළමයට ගේශාවක් වෙන්ඩ ඕනා ?

    ReplyDelete
    Replies
    1. ම්..මේ ප්‍රශ්න ඔක්කොටම උත්තරේ චිත්‍රපටියෙ තියනවා සෙන්නා..ඒක බාගෙන බලන්න කලින් පහල තියන ඇනෝගේ විස්තරේ බලන්නකෝ..

      Delete
    2. චිත්‍රපටි බලන්ඩනම් මම හරිම හොරයි... මේකෙ කියන විදිහටයි, පහල ඇනෝ කියන විදිහටයි මට හිතෙන්නෙ ඒක සමාජයේ ටිකක් පිළිගත්තු තත්ත්වයක් කියලයි.. කම්ක්නෑ.. ස්තූතියි මේ ගන කිව්වට.. ගේශාවන් ගැනත් දැනගත්තා..

      Delete
    3. ම්..එහෙනම් ඉතින් පොත කියවන්න තමා වෙන්නෙ..:(

      Delete
  17. මුලින් film එක බලලා ඉන්න ඕනේ. පිණිබිඳු අක්කාත් ගේෂාවක් ගැන කතාවක් ළඟදී කියලා තිබුණා වගේ මතකයි

    ReplyDelete
    Replies
    1. පිණිබිඳුගේ පෝස්ටුව නම් මට මග ඇරුනා මම හිතන්නෙ..

      Delete
    2. ස්තුතියි හසිත..
      මේ පොත සිංහලට පරිවර්තනය වෙලා තියනවා කියලා දැනගත්තේ පිණි බිඳුගෙ ලිපියෙන්...
      ම්..එකම කතාව දෙන්නෙක් දැකලා තියන වෙනස..!!

      Delete
  18. ම්ම් ලස්සනයි රූ. ගේශාවක් කියන්නේ කවුද කියන ප්‍රශ්නේ මටත් ආවා? නලින් දීපු උත්තරෙත් දක්කා. ඒත් මේකේ කියන හැටියට ගේශාවක් කියන්නේ හරි උසස් කෙනෙක් කියලනේ තේරෙන්නේ.

    ReplyDelete
    Replies
    1. ම්..ඔයා මේ ගැන ලියලා නැද්ද?
      ආ මධුරංග මලයට පිණි බිඳුයි ඔයාවයි පැටලිලාද කොහෙද...
      පහල ඇනෝ කියලා තියන විස්තරේ බලන්නෙකෝ..

      Delete
  19. බලන්නම හිතෙන විදිහ‍ට හුගක් අපුරුවට ඔයා කතාව ලියලා තියනවා අක්කියෝ...ලස්සනයි....

    ReplyDelete
    Replies
    1. ගොඩක් ස්තුතියි සිතිවිලි..පෝස්ටුව ලිව්වෙ ඔයාලාව චිත්‍රපටිය බලන්න පොළඹවන්න තමයි..

      Delete
  20. ටොරන්ට් ලින්කුවත් එක්කම දුන්නට බොහොම ස්තූතියි අක්කේ. බා ගන්න ඕනෙ. :)))

    ReplyDelete
    Replies
    1. ම්..යූ ආ වෙල්කම්..:)

      Delete
  21. ගේෂාවක් යනු ගණිකාවක් ලෙස අර්ථ කථනය කල නොහැකිය.ගේෂාවක් වීම සදහා නර්තනය, ගායනය කතන්දර කීමේ හැකියාව,තේ උත්සව පිළිබද දැනුම ආදී බොහෝදේවල් ඉගෙන ගතයුතුය.ඇය සැබවින්ම සත්කාර කරන්නියකි.සමහර ගේෂාවන් ඉතා ධනවත් මිනිසුන්ගේ අනියම් බිරියන් ලෙස සිටි බව අසා ඇත.ගේෂාවක් තම අනියම් බිරියක් ලෙස තබා ගැනීම පැරණි ජපානයේ ධනවතුන්ට අභිමානයක් ගෙනදෙන කරුණක් වී ඇත. ජපන් සංස්කෘතිය සම්බන්ද අවබෝදයක් නොමැති විදේශිකයන් විසින් ගේෂාව ගණිකාවක් ලෙස අර්ථ ගන්වා ඇත.ගේෂාවකට අවැසිනම් ගණිකාවක් නොවී සිටීමේ හැකියාව ඇත.

    ReplyDelete
    Replies
    1. ස්තුතයි ඇනෝ..
      ගොඩක් වැදගත් විස්තරයක්..
      මට හිතෙන විදිහට ගේෂාවන්ට තියන්න සිංහල භාෂාවෙ තනි වචනයක් නෑ..ගේෂාවෝ ගණිකාව කියන කුලේට අයත් උප කුලකයක් මට හිතෙන විදිහට..ළඟින්ම යන වචනයක් තියනවා නම් ඒ නගර ශෝභිනිය කියන වචනයයි..
      ගේෂා සංස්කෘතියට සමාන සංස්කෘතියක් ඉන්දියාවෙත් තිබිලා තියනවා කියලා මම දැනගත්තෙ කාම සූත්‍ර කියන චිත්‍රපටයෙන්..

      ගේෂාවන්ට අනුග්‍රහ කරන ධනවත් සිටුවරු හැඳින්වෙන්නෙ ධනිනා කියලා..ජපාන සංස්කෘතියේ තියන අභිරහස් බව මේ ගේෂා සංස්කෘතියෙත් ගොඩක් දුරට සලකුණු වෙලා තියනවා..ආසියා මහද්වීපෙ වුනත් එකම ආගම ඇදහුවත් ජපාන සංස්කෘතිය ඒ ජනතාවගේ සිතුම් පැතුම් අපිට තේරුම් ගන්න අමාරුයි..
      එහෙම රාමුවක ඉඳන් මේ චිත්‍රපටිය ගැන බලද්දි පොත ලියූ ආතර් ගෝල්ඩන් හා චිත්‍රපට අධ්‍යක්ෂ රොබ් මාෂල් කියන බටහිර ජාතිකයින් දෙදෙනාගේ නිර්මාණය ප්‍රශංසනීයයි..

      නැවතත් ස්තුතියි ඔබගේ විස්තරයට..

      Delete
  22. ඔය ෆිල්ම් එක බැලුවා. සිත සසල කරනා අන්දමේ කතාවක්. ඇනෝ කියලා තියන කතාව ඇත්ත. මගේ ජපන් යාලුවෙක් ඉන්නවා ඒ කාන්තාවන් ගණිකාවන් ලෙස හඳුන්වනවාට අකැමති. අතීතයේ මේ හා සමාන අය ඉන්දියාවෙත් සිටියා. ජපන්නු වැඩි දෙනෙක් මේ චිත්‍රපටිය ප්‍රිය කරන්නේ නෑ. විශේෂයෙන්ම පිරිමි උදවිය.:)

    ReplyDelete
    Replies
    1. ඇත්ත තිත්තයි කියලා කියනවානේ..ඒන නිසා වෙන්නැති ජපන් උදවිය මේ කතාවට කැමති නැත්තේ...

      මම හිතන්නෙ ඔරිජිනල් ගේෂාවො ජපානයේ නෑ කියලා..හැමදේම ගෝලීය කරණය වෙලා නිසා ඔය කියන වටිනාකම් එක්ක පවතින්න අමාරුයි..

      Delete
  23. ඇත්ත...හැම කාන්තාවකටම නිසි ගෞරවයක් තිබීය යුතුය, එත් වැරදි දෙයක් නම් ඔවුන්ට ඉන් මිදී යාමට උදව් කරන්නත් ඔනී...එක දිගටම කතාව කියෙව්වා, හරිම අපුරුවට ලියා තිබෙනවා.

    ReplyDelete
    Replies
    1. ස්තුතියි..
      මේ චිත්‍රපටිය එක එක්කෙනා දකින විදිහ වෙනස්..
      මට නම් මේක වෙනස් ආදර කතාවක්..ගේෂාවො ගැන කියන කතාවකටත් වඩා..
      කාන්තාවන්ට තියන ගෞරවය සංස්කෘතියට සාපේක්ෂ නිසා මම හිතන්නෙ අපිට මේ ගැන තීරණය කරන්න බෑ..

      Delete
  24. හරිම ලස්සන කථාවක් වගේ. කොහොම හරිම බලන්න උත්සාහ කරන්නම්. ස්තූතියි! ගැහැනියකට සැබැවින්ම නිසි ගෞරවයක් සමාජය තුල තිබිය යුතුයි. "අම්මා" කියන වචනයට ගරු කරනවානම් ලෝකෙ කිසිවෙක් ගැහැනියක හෙලා දකින්නේ නෑ. බොහොමයක් පිරිමි ඒක කරන්නෙ නෑ. එයලගෙ රාග ආශාවන් මුදුන් පමුනුවා ගන්නට ගැහැනිය යොදා ගන්නවා. හැම ගැහැනියක්ම එකම ඇහැකින් බලන්න බැහැ. එක් එක්කෙනාට විවිධ වූ ආවේනික චර්යා රටා තියෙනවා, ඒ වගේම එක එක විදිහෙ සුන්දරත්වයක් තියෙනවා.

    ReplyDelete
    Replies
    1. ස්තුතියි චන්දි..
      //හැම ගැහැනියක්ම එකම ඇහැකින් බලන්න බැහැ. එක් එක්කෙනාට විවිධ වූ ආවේනික චර්යා රටා තියෙනවා, ඒ වගේම එක එක විදිහෙ සුන්දරත්වයක් තියෙනවා.//
      මේ ටිකට නම් මම හරි කැමතියි..;)

      ඒත් මේවා කියන්න ගිහාම වෙන්නෙ කාන්තා නිදහස වෙනුවෙන් සටන් කරනවා කියලා ලේබල් වැදෙන එක විතරයි..හ්ම්..

      Delete
  25. මෙන්න මෙතන තියනවා හොඳ reference ටිකක්, උනන්දු අයට:

    Fiona Graham

    ReplyDelete
    Replies
    1. ස්තුතියි ටොමියා..බුහ් බුහ්..මේ පැත්තට සාදරෙන් පිළිගන්නවා..;)
      විස්තරේට ස්තුතියි...මේ විස්තරේ අද ගේෂාවො ගැන අදහසක් ගන්න පුළුවන්..
      එයාලා නිකම් නිරූපණ ශිල්පියො ගානට වැටිලා කියලයි මට හිතෙන්නෙ ෆියෝනා ගැන කියෙව්වම..

      Delete
  26. ෆිල්ම් එක බලන්න කලින් මේකේ පොතේ සිංහල පරිවර්තනය කියෙව්වා. ගොඩක් හිතට අල්ලපු පොතක්

    ReplyDelete
    Replies
    1. ඒක ඇත්ත..මම මේ පොත කියවලා නම් නැහැ..පොතේ කතාවයි ෆිල්ම් එකේ කතාවයි ටිකක වෙනස් කියලා තමයි විකිපීඩියා එකේ තියෙන්නෙ..
      ස්තුතියි මේ පැත්තෙ ආවාට..

      Delete
  27. අහලා තිබුනට බලල නැහැ. මට ඔය ටොරන්ට් වැඩේ තේරෙන්නේ නැහැ අපරාදේ බාගන්න තිබුනා දැනගෙන හිටියානම්..

    ReplyDelete
    Replies
    1. ටොරන්ට් කියන්නෙ හොරකමක් කියලයි රූ මහත්තයා නම් කියන්නෙ..ඒක නිසා හොරකම් කරන හැටි අනිත් අයට කියලා දෙන එකත් පව්..කොහොම වුනත් සරත් ඒ ගැන ඉගෙන ගන්න කැමති නම් මේල් එකක් එවන්න කෝ..
      ru.sirini07@gmail.com

      Delete
  28. නියමෙට ලියල තියනවා මගෙන් සුභ පැතුම්

    ReplyDelete
    Replies
    1. ස්තුතියි යසිරු
      මේ පැත්තට සාදරයෙන් පිළිගන්නවා..

      Delete
  29. අදමයි මේ පැත්තේ එවුනේ . ලස්සනයි. මමත් බලල තියෙනව . පොත ලැබුනේ පස්සේ . චිත්‍රපටය බැලුවට පස්සේ පොත කියවන එක කම්මැලියි. චිත්ත රුප මවා ගන්න බැරි නිසා . චිත්‍රපටයේ ඇගේ නම සෙයුරි නේද . සිත බොහොම සසල කල කතාවක් . ජපානය කොපමණ දියුණු උනත් ජපන් පිරිමි ගැහැනුන්ට එතරම් තැනක් දෙන්න කැමති නැහැ අදටත් . ගේෂාවන් ගණිකාව කියන සංකල්පයට වඩා ටිකක් වෙනස් . අනෙක් අතට දෙකම ඉතින් තමන්ගේ නොවෙන මිනිස්සු සතුටු කිරීමනේ .

    ReplyDelete
    Replies
    1. ගොඩක් ස්තුතියි නෙළුම් මල් අරන් මේ පැත්තෙ ආවාට..

      ගේෂා සංස්කෘතිය වගේම ජපානයේ මිනිස්සු හිතන විදිහත් හරිම වෙනස්..නවකතා චිත්‍රපටි බලද්දි මට ගොඩක් හිතුනෙ ජපානෙ අය හරිය තනි නැගී සිටින දූපත් වගේ කියලා..

      ගේෂාවො ගැන ඔයාගෙ අදහසට මමත් එකඟයි..

      Delete
  30. Replies
    1. ඔයාටත් ගොඩක් ස්තුතියි රෙහානි මේ පැත්තෙ ආවාට..සාදරයෙන් පිළිගන්නවා

      Delete
  31. ගේෂාවන් ගැන තොරතුරු සරච්චන්ද්‍රයන්ගේ පොත් දෙකේ සහ ඔෂින් පොතේ සඳහන් වෙනවා. ඇනෝගේ අදහසට එකඟ වෙන්න පුළුවන්.
    ගේෂාවන් කියන්නේ ගණිකාවන්ගේ උප කුලකයක් කියනවට වඩා මා හිතන්නේ, ගණිකාවන් සහ ගේෂාවන් කියන්නේ ඡේදනයක් සහිත වෙනස් කුලක දෙකක්. ගේෂාවන් නොවන ගණිකාවන්, ගණිකාවන් නොවන ගේෂාවන් සහ ගණිකාවන් වූ ගේෂාවන් කියලා වර්ග තුනක් දකින්න හැකියි නේ. ඒ වගේ ම ගණිකාවන් සහ ගේෂාවන් නොවූ ස්ත්‍රීනුත් සිටින නිසා, කාන්තාවන් කියන කුලකයේ එකිනෙක ඡේදනය වූ උප කුලක දෙකක් තමයි ගේෂාවන් සහ ගණිකාවන් කියන්නේ!!
    කොහොම වුනත් පෝස්ට් එක වින්දා..
    ජය වේවා!!

    ප.ලි: ටොරන්ට් එක බාගත කරන්න බැහැ. මොකක් හරි අවුලක්.

    ReplyDelete