බෑග් මල්ල කරට බරදී
පිටුපසින් දෙකට නැමී
අජටාකාශගාමියෙක් බස්රියේ එල්ලී
සඳ තරණයට යනවාලු
පොත් දෙක කිහිලි ගසා
ගුරු පාරේ පිම්මේ දිවගොස්
අඹ ගෙඩියට පොරකා
අඹ යාළුවන් වූ කාලය දැන් ගෙවිලලු
කොම්පීතර යුගයෙට
හැල්මේ දිවයන්න
ආදරයෙන් වැලඳගන්න
අපේ මල්ලි ලෑස්තිලු
ක්රිකට් පිත්ත එල්ලෙ පොල්ල
දොරමුල්ලේ දූවිලි කයි
ඒවගේ දුක නිවාලන්න
අපේ මල්ලිට කෝ වෙලාව
උදේ ඉඳන් රෑ වෙනකම්
රැයේ ඉඳන් එළිවෙනකම්
ටියුෂන්..ටියුෂන්..ටියුෂන්
ජීවිතේම දියවෙලා
පොතින් මොහොතකට මිදෙන්න
නිසංසලේ හුස්ම ගන්න
හමන පවන් රැල් විඳින්න
මල්ලිට අමතක වූ හැටි
වෙල් එළියේ දුවල පැනල
සරුංගලේ එක්ක දුවල
හිනාවෙන්න, දඟ කරන්න
අපෙ මල්ලිට දැන් බැහැයිලු
ගණිතය,විජ්ජාව සමඟ
සිංහල ඉංග්රීසි එක්ක
අපේ මල්ලි බරටම වැඩ
ගෙදර ආපු වෙලේ ඉඳන්
අපිත් එක්ක හිනාවෙලා
ආගිය තොරතුරු කියන්න
එයාට දැන් කොයි වෙලාව
හැම තිස්සෙම වැඩ වැඩ වැඩ
අනේ අම්මෙ අනේ තාත්තෙ
අයියෙ අක්කෙ නැන්දෙ මාමෙ
හිනාවෙන්න දඟ කරන්න කියාදෙන්න
ටියුෂන් පන්තියක් දාන්න
පින්තූර අනුග්රහය: http://www.istockphoto.com, http://languagetrace.blogspot.com/,http://studentlanka.com